11 апр 10:35
Новости

Хоккей бўйича Ўзбекистон чемпионатининг ярим финал жуфтликлари аниқланди

Теги : Хоккей

Хоккей бўйича Ўзбекистон чемпионатининг навбатдаги мунтазам мавсуми якунланди, жамоалар 12 тадан ўйин ўтказди ва эндиликда чемпионлик учун курашни давом эттиради.

Мунтазам чемпионат якунига кўра, турнир жадвалида биринчи ўринни "Феникс" жамоаси 19 очко билан, иккинчи ўринни "Бинокор" 15 очко билан, учинчи ўринни эса "Семурғ" 12 очко билан қўлга киритди, "Шердор" жамоаси эса етти очко қўлга киритган ҳолда сўнгги ўриндан жой олди.

Ярим финал жуфтликлари:

"Феникс" - "Шердор",

"Бинокор" - "Семурғ".

Ўзбекистон чемпионатида 4 та жамоа – "Бинокор" (Тошкент), "Феникс" (Тошкент), "Семурғ" (Тошкент) ва "Шердор" (Самарқанд) жамоалари иштирок этмоқда. Учрашувлар Тошкентдаги "Ҳумо" ва "Алпомиш" ареналарида, Самарқанддаги "Ice Arena"да ўтказилади.

Ўзбекистон Республикаси чемпионати регламентига кўра, плей-оффнинг ҳар бир босқичи битта жамоанинг учта ғалабасигача давом этади.