22 сен 09:52
Новости
Хоккей. "Ҳумо"нинг етакчи хоккейчиларидан бири жароҳат сабаб ярим йилга сафдан чиқди
Хабарингиз бор, Тошкентнинг "Ҳумо" хоккей клуби жорий мавсумда ҳам Қозоғистон Очиқ чемпионатида иштирок этмоқда.
Жамоа мавсум аввалидаёқ жиддий йўқотишга дуч келди.
Клуб ҳужумчиси Антон Гловацкий 20 сентябрь куни Павлодарнинг "Иртиш" жамоасига қарши кечган иккинчи уй учрашувида жароҳат олгани маълум бўлди. "Ҳумо" матбуот хизмати тарқатган хабарга кўра, ҳужумчи камида олти ой муддат музга қайтмайди.
Маълумот учун, 35 ёшли россиялик форвард бу мавсум "Ҳумо" сафида жами 14 та ўйин ўтказиб, 16 очко (5+11) ишлаган эди.
Шунингдек, яна бир ҳужумчи Вадим Шегольков ва ҳимоячи Александр Сорокинда ҳам кичик жароҳат кузатилган.
Ссылка :
Источник : hchumo.uz
Комментарии