17 фев 13:58
Новости

Бокс/ММА

Холмурод Нурматов ACA 184 турнирида жанг қилади, рақиб маълум + ПОСТЕР

Ўзбекистонлик 31 ёшли аралаш яккакураш устаси Холмурод Нурматовнинг навбатдаги жанги тафсилотлари аниқ бўлди.

Ҳамюртимиз 28 февраль куни Россия Федерациясининг Москва шаҳридаги Irina Viner-Usmanova Gymnastics Palace мажмуасида ташкил этиладиган ACA 184 турнири доирасида октагонга кўтарилади.

Нурматов ўша куни россиялик 28 ёшли Имран Букаевга қарши баҳс олиб боради. ACA 184 турнирининг марказий жанги эса икки рус спортчилари — Ислом Омаров ва Алихан Сулейманов ўртасида кечади.

Маълумот ўрнида, Холмурод Нурматов ҳозирга қадар 22 та жанг ўтказиб, 14 ғалаба, 7 мағлубият ва 1 та дуранг қайд этган. Имран Букаев ҳисобида эса 16 ғалаба ва 4 та мағлубият бор.