23 июл 12:18
Новости

Теннис

Хопман Кубоги. Испанияни мағлуб этган Хорватия финалда

Франциянинг Ницца шаҳрида теннис бўйича Хопман Кубогининг гуруҳ босқич ўйинлари якунланди.

Хорватия терма жамоаси анча кучли ҳисобланган испаниялик теннисчиларни 2:1 ҳисобида мағлуб этиб, гуруҳ ғолиби сифатида финалга йўл олди.

Илк учрашувда Донна Векич испаниялик рақибаси Ребека Машаровага ҳеч қандай имконият қолдирмади - 6/2, 6/1.

Кейин дунёнинг биринчи ракеткаси Карлос Алькараз ўз ғалабаси билан Борна Чоричга қарши баҳсда ҳисобни тенглаштирди - 6/3, 6/7(6), 10:5.

Ҳал қилувчи аралаш жуфтлик учрашувида Векич ва Чорич матчболдан чиқиб кетган ҳолда Машарова ҳамда Алькараз ҳамкорлигидан устун келишди - 1/6, 6/4, 14:12.

Икки ғалаба билан гуруҳ ғолиби бўлган Хорватия финалда Швейцария терма жамоасига қарши баҳс олиб боради.