06 июл 13:33
Новости
Бокс/ММА
ХОҚ Франциядаги тартибсизликка муносабат билдирди
Халқаро олимпия қўмитаси Франция 2024 йилги Олимпия ўйинларини муваффақиятли ўтказишига ишонч билдирмоқда.
"Биз сўнгги воқеалардан афсусдамиз. Ташкилий қўмита ҳамда Франция ҳукумати Олимпия ва Паралимпия ўйинларини муваффақиятли ўтказишига аминмиз. Шунингдек, бу ўйинлар бутун дунёни кутиб оладиган француз халқининг меҳмондўстлиги остида ўтишига тўлиқ ишонамиз", - деди ХОҚ вакили.
Францияда оммавий тартибсизликлар 27 июнь куни йўл-патруль талабига бўйсунмаган ўсмирнинг ўлимидан сўнг бошланганди. Ўсмир полициячи отган ўқдан вафот этган эди.
Қайд этилишича, тартибсизликлар вақтида Олимпия ўйинлари объектларига тўғридан-тўғри таъсир ўтказилмаган. Бироқ, Париждаги сув спорти олимпия машғулотлари марказининг ташқи қисми шикастланган.
Эслатиб ўтамиз, Париж Олимпия ўйинлари 2024 йилнинг 26 июлидан 11 августига қадар бўлиб ўтади.
Ссылка :
Источник : sports.ru
Комментарии