01 мая 07:52
Новости

Каратэ

Хотамбек Бойназаров Муҳаммад Мокаев билан бир оқшомда жанг қилади. Рақиб — Хабиб Нурмагомедовнинг жамоадоши!

Теги : Хотамбек Бойназаров Karate Combat

Эртага Бирлашган Араб Амирликларининг Дубай шаҳрида жанговар каратэ бўйича Karate Combat 54 турнири ташкил этилади.

Оқшомнинг марказий жанги собиқ UFC вакили Сэм Алви ҳамда профессионал боксчи Тайрон Сунг ўртасида оғир вазн тоифасидаги титул учун ўтказилади.

Иккинчи асосий беллашувда эса яна бир UFC собиқ жангчиси Муҳаммад Мокаев Қозоғистон вакили Болат Заманбеков билан тўқнаш келади.

Биз учун аҳамиятлиси, KC 54 турнирида ўзбекистонлик таниқли ММА жангчиси Хотамбек Бойназаров ҳам иштирок этадиган бўлди. Унга Хабиб Нурмагомедовнинг жамоадоши бўлган россиялик Сайгид Изагахмаев рақиблик қилади.

Ушбу тўқнашув грэпплинг қоидалари асосида ўтказилади.

Маълумот учун, Хотамбек Бойназаров ММАдаги фаолияти давомида 10 та жанг ўтказиб, уларнинг барчасида ғалаба қозонган. Сайгид ҳисобида эса 22 ғалаба ва 2 та мағлубият бор.