19 дек 10:12
Новости

Теннис

Якунланиб бораётган йилнинг энг яхши WTA 1000 турнири эълон қилинди

Халқаро аёл теннисчилар ассоциацияси (WTA) якуни сари яқинлашаётган 2022 йилнинг энг яхши WTA 1000 тоифасига кирувчи турнирини аниқлади.

Унга кўра, АҚШнинг Индиан-Уэллс шаҳрида ўтказилган BNP Paribas Open турнири мавсумнинг энг яхшиси деб топилди. Ушбу турнир 1974 йилдан бери мунтазам равишда ўтказиб келинади. 2009 йилдан то шу кунгача Франциянинг BNP Paribas банки номи билан аталади.

Эътиборлиси, ушбу турнир қаторасига тўққизинчи, ўз тарихида ўн учинчи маротаба йилнинг энг яхши WTA 1000 тоифасига кирувчи турнири деб топилмоқда.