24 сен 19:08
Новости

Бокс/ММА

Яна бир ММА жангчимиз Octagon 63 турнирида иштирок этади

Хабар берганимиздек, 27 сентябрь куни Қозоғистоннинг Олма-Ота шаҳридаги "Балуан Шолак" аренасида ММА бўйича Octagon 63 мусобақаси ўтказилади.

Мусобақа доирасида яна бир ўзбекистонлик аралаш якка кураш устаси иштирок этадиган бўлди.

Энг енгил вазн тоифасидаги ММА жангчиси Дилшод Кубаев Octagon 63 турнири доирасида Қозоғистон вакили Абай Жалал билан тўқнаш келади.

Жанг асосий кардга киритилган.

Маълумот ўрнида, Кубаев фаолияти давомида 6 та жанг ўтказиб, 4 та ғалаба ва 2 та мағлубият қайд этган. Унинг рақиби Абай Жалал ҳисобида эса 5 та ғалаба мавжуд.

Аввалроқ, Octagon 63 турнирида Жаҳонгир Нажмиддинов ва яна 3 нафар ҳамюртимиз жанг қилиши ҳақида хабар берган эдик.