18 сен 10:21
Новости

Бокс/ММА

"Янгибод"да боксчилар учун янги база қурилади

Кеча Спорт вазирлиги ва Миллий Олимпия қўмитаси раҳбарияти Тошкент вилоятидаги "Янгиобод" спорт базасида бўлди.

Унда бокс бўйича терма жамоалар учун мўлжалланган янги иншоотлар ва инфратузилма объектлари кўздан кечирилди.

Мамлакат бокс федерацияси мутасаддилари янги база учун ажратилган майдон, унинг босқичма-босқич қурилиш режаси ҳамда фойдаланишга топширилган тақдирда мавжуд имкониятларнинг кенгайиши тўғрисида батафсил маълумот беришди.

Расмийлар мазкур спорт базасининг барпо этилиши терма жамоаларнинг профессионал тайёргарлигини кучайтиришга, ёш спортчиларнинг малакасини оширишга хизмат қилишини таъкидлашди.