05 июн 11:32
Новости

Теннис

Янник Синнер "Ролан Гаррос" 1/2 финалига чиқди

Дунёнинг биринчи ракеткаси Янник Синнер "Катта Дубулға" туркумига кирувчи "Ролан Гаррос" турнирининг ярим финал иштирокчисига айланди.

Италиялик теннисчи 1/4 финалда WTA рейтингида 62-поғонада бораётган қозоғистонлик Александр Бубликка ҳеч қандай имконият қолдирмади - 6/1, 7/5, 6/0. Бублик фақат иккинчи сетда номдор рақибига қаршилик кўрсата олди, холос.

Теннисчиларнинг ўзаро учрашувларидаги ҳисоб мувозанати Янник фойдасига йириклашди - 4:1. Бир соату 49 дақиқа давом этган баҳсда иккала теннисчи ҳам 5 тадан эйс зарбасини амалга оширган. Қўшхатолар 6 га 1 кўринишида Бублик "фойдаси"га ҳал бўлди. Синнер эса брейклар бўйича мутлақ устунлик қилди - 6 га 0!

Италиялик теннисчи қаторасига иккинчи йил ҳам "Ролан Гаррос" турнири ярим финалига чиқди. Ўтган йили у бу босқичда испаниялик Карлос Алькаразга имкониятни бой бериб қўйганди.