26 июл 10:36
Новости
Бокс/ММА
Йўғе? 12 ёшли Кастан профессионал боксда дебют қилади, бу рекорд эмас!
Бизнинг вақт билан эртага тонг саҳарда Мексиканинг Веракрус шаҳрида профессионал бокс кечаси бўлиб ўтади.
Эътиборлиси, оқшом доирасида мексикалик 12 ёшли Ромина Кастан профессионал рингдаги дебют жангини ўтказади. Қизалоқнинг рақибаси 21 ёшли ватандоши Гвадалупе Медина бўлади. Медина профессионал рингда 10 та ғалабага эришган.
Маълумот учун, Ромина 6 ёшидан бокс билан шуғулланишни бошлаган. Саккиз ёшида ҳаваскор боксда жанглар ўтказа бошлаган. Ҳисобида 50 та ғалаба бор. Кастан ўз отаси Исаак Кастан қўл остида машғулотларини ўтказиб келади.
Тарихга назар ташлайдиган бўлсак, британиялик боксчи Ниппер Пэт Дейли (Патрик Клиффорд Дейли) 1923 йилда 10 ёшида профессионал рингда дебют қилган. У 7 йиллик фаолияти давомида 119 та (99 ғалаба) жанг ўтказиб, 1931 йил, 17 ёшида фаолиятини якунлаган.
Ссылка :
Источник : allboxing
Комментарии