04 окт 08:57
Новости

Легкая атлетика

Ёш атлетлар Тошкентда куч синашди

Пойтахтимизда енгил атлетика бўйича U17 ёш тоифасидаги атлетлар ўртасида мусобақа бўлиб ўтди.

Унда мамлакатимизнинг турли ҳудудидан келган иштирокчилар ғолиблик учун куч синашди. 100, 110 ва 400 метр масофага тўсиқлар оша югуриш мусобақасида Софья Николаева, Шодиёна Раҳмонова ҳамда Зайниддин Равшанов олтин медални қўлга киритган бўлса, 10 минг метр масофага спортча юриш баҳсларида Богдан Жадеев ғолиб бўлди.

Уч ҳатлаб сакраш бўйича қизлар ўртасида Дилнура Обидова 11,39 метр натижа қайд этиб, шоҳсупанинг энг юқори поғонасидан жой олди. Йигитлар ўртасидаги ушбу йўналишда Радмир Зарипов 13,84 метрга сакраб, барча рақибидан ўзиб кетди.