07 июл 17:01
Новости

Бокс/ММА

Ёш ҳамюртимиз Octagon 60 мусобақасида қозоғистонлик мағлубиятсиз жангчи билан тўқнаш келади

Аввал маълум қилганимиздек, 19 июль куни Қозоғистоннинг Олма-Ота шаҳридаги "Балуан-Шолак" аренасида ММА бўйича Octagon 60 мусобақаси бўлиб ўтади.

Лига матбуот хизматининг хабар беришича, енгил вазн тоифасида ўзбекистонлик аралаш якка кураш устаси Асадбек Қаҳҳоров турнир доирасида Қозоғистон вакили Саят Абдуали билан жанг қилади. Тўқнашув асосий кардга киритилган.

Маълумот учун, 24 ёшли Асадбек Қаҳҳоров шу кунгача 7 та жанг ўтказиб, 5 та ғалаба ва 2 та мағлубият қайд этган. Унинг рақиби ҳисобида эса бешта ғалаба мавжуд.

Octagon 60 мусобақасида Асадбекдан ташқари Ислом Болтаев, Шоҳасан Мирзаматов каби ҳамюртларимиз иштирок этади.