20 фев 15:03
Новости

Шахматы

Ёш шахматчиларимиз “Intellekt Akademiyasi Kubogi” совриндори

Россия Федерациясининг Новокузнецк шаҳрида “Intellekt Akademiyasi Kubogi” халқаро фестивали доирасида ўтказилган жамоавий тезкор шахмат турнирида мамлакатимиз ёшлари муваффақиятга эришди.

Дунёнинг 16 давлатидан келган 40 га яқин жамоалар иштирокида ўтган “Мактабларда шахмат” дастури доирасидаги баҳсларда ўзбекистонлик шахматчилар умумжамоа ҳисобида 2-ўринни қўлга киритди.

Муросасиз баҳсларда терма жамоамиз аъзоларидан Саидов Сардор иккинчи тахтада 2-ўринни, Нурмуҳаммад Нематиллахонов учинчи тахтада 3-ўринни, Дилноза Икромова бешинчи тахтада 1-ўринни эгаллади.