20 сен 20:53
Новости

Бокс/ММА

Ёшлар ўртасидаги Жаҳон чемпиони Бахтиёр Асадов проф боксда дебют қилди (ФОТО)

Хоразмда профессионал бокс оқшоми ташкил этилди.

Ушбу жанг кечаси доирасида ёшлар ўртасида Жаҳон ва Осиё чемпиони, иқтидорли боксчимиз Бахтиёр Асадов ўз дебют жангини ўтказди.

Мазкур жангда Асадовга бошқа бир ҳамюртимиз Жафарбек Камолов рақиблик қилди. Жанг муддатидан олдин якунланди. Бахтиёр Асадов 2-раундда рақибини техник нокаутга учратиб, проф боксдаги дебютини муваффақиятли бошлади.

Маълумот учун, Бахтиёр Асадов 2022 йили ёшлар ўртасида Осиё ва Жаҳон чемпиони унвонига сазовор бўлганди.