23 мая 17:13
Новости

Теннис

Юлдашева Австрияда ўзидан деярли 700 поғона юқоридаги рақибга қарши кортга чиқди

Австриянинг Филлах шаҳрида теннис бўйича "Фьючерс" туркумига кирувчи W25 турнири давом этмоқда.

Соврин жамғармаси 25 минг долларни ташкил этувчи ушбу мусобақада ҳамюртимиз Севиль Юлдашева ҳам ўз имкониятини синаб кўрди. Мамлакатимизнинг иккинчи ракеткаси асосий тўрга саралаш баҳсларида Швеция ва Дания вакилаларини мағлуб этиб йўл олган эди.

WTA рейтингида 1046-поғонада бораётган терма жамоамиз аъзоси асосий тўрнинг илк даврасида дунёнинг 368-ракеткаси, турнирда 8-рақам остида таснифланган литвалик Юстина Микульскитега қарши кортга чиқиб, 0/6, 3/6 ҳисобида имкониятни бой бериб қўйди.