07 авг 08:48
Новости

Бокс/ММА

Юлдузли UFC 280 оқшомининг Co-main event жанги тасдиқланди

22 октябрь куни БАА пойтахти Абу-Даби шаҳрида ММА олами кутаётган UFC 280 турнири бўлиб ўтади.

Турнир ташкилотчилари томонидан ушбу юлдузли карднинг Co-main event жанги тасдиқланди. Унда енгил вазнда UFC чемпиони Алжэмейн Стерлинг лиганинг собиқ чемпиони Ти Жей Диллашоуга қарши октагонга кўтарилади.

Аввалроқ, Стерлинг - Диллашоу жангининг UFC 279 турнири доирасида ўтказилиши ҳақида хабар берилганди. Кейинроқ Стерлингнинг UFC билан келиша олмагани сабаб ушбу жанг UFC 280 турнирига кўчирилди. Сўнгги жангида айнан Стерлингга имкониятни бой берган россиялик Петр Ян ҳам Абу-Дабидаги турнирда октагонга кўтарилади.

Маълумот учун, Диллашоу сўнгги жангини 2021 йилнинг июль ойида UFC on ESPN 27 турнирида ҳамюрти Кори Сэндхагенга қарши ўтказиб, очколар ҳисобига кўра ғалаба қозонганди.

Эслатиб ўтамиз, UFC 280 турнирининг марказий жангида бразилиялик Чарльз Оливейра россиялик Ислам Махачевга қарши октагонга кўтарилади.