29 мар 12:10
Новости

Теннис

Зверев 6 йилдан сўнг яна Майами "Мастерс" 1/2 финалида кортга чиқади

АҚШнинг Майами шаҳрида ўтказилаётган "Мастерс" сериясига кирувчи нуфузли теннис турнирида ярим финал иштирокчилари аниқланди.

Дунёнинг бешинчи ракеткаси, германиялик Александр Зверев 1/4 финалда ATP рейтингида 57-поғонадан жой олган венгриялик Фабиан Марожандан устун келди - 6/3, 7/5. Бу теннисчиларнинг ўзаро ўтказган илк учрашуви эди.

99 дақиқалик баҳс статистикаси:

Александр Зверев - 6 та эйс, қўшхатога йўл қўймади, 3 та брейк

Фабиан Марожан - 8 та эйс, 1 та қўшхато, брейк амалга ошира олмади

Эътиборлиси, Зверев 6 йил деганда Флоридадаги ушбу турнирнинг 1/2 финалига чиқди. Энди олмон теннисчиси Miami Open финал чиптаси учун Григор Димитровга қарши кортга чиқади. Болгариялик теннисчи 1/4 финалда дунёнинг иккинчи ракеткаси, испаниялик Карлос Алькаразни мағлуб этишни уддалади.