UZ

Сўнгги янгиликлар

19:59Фазлиддин Рафиқов Жаҳон чемпионатини бронза билан якунлади 0 19:30Илия Топурия UFC'даги мотивацияси нима эканлигини айтди 0 18:22"Чемпионлик камарини қўлга киритишимга ишонаман". Прохазка Ульберг билан реванш ўтказишга умид қилмоқда 0 17:37"Октагон ташқарисида ҳам жанг қилишимиз мумкин". Двалишвили Нурмагомедов билан эҳтимолий реванш ҳақида гапирди 0 16:30ОЧЛ. "Ал-Иттиҳод"нинг малилик легионери "Пахтакор"га қарши ўйинни ўтказиб юборади 0 15:15Енгил атлетикачи Хушноза Шавкатова энди АҚШнинг Орегон университети жамоаси шарафини ҳимоя қилади 0 14:12Алжамейн Стерлинг Волкановски билан жанг қилиб, икки вазн тоифасида чемпион бўлмоқчи 0 13:00Самбочиларимиз ШҲТ Очиқ турнирини умумжамоа ҳисобида биринчи ўринда якунлашди 0 12:05Ўзбекистон мезбонлик қиладиган U-17 Осиё кубогининг барча иштирокчилари маълум бўлди 0 11:12Жошуа Тайсонни нокаутга учратишга ваъда берди 0 10:24Амирхон Алихўжаев кейинги жангини Хотамбек Бойназаровнинг собиқ рақибига қарши ўтказади 0 09:55Руслан Абдуллаев олтинчи ғалабасини олтинчи раундда қўлга киритди 0 09:33"Манчестер Юнайтед" Почеттинони таклиф қилиш учун қанча тўлагани маълум бўлди 0 08:35Миршоҳид Тиллабоев — WORLD BOXING вице-президенти! 0 07:22Дзюдо. Саъдулла Равшанов жаҳон чемпионатининг кумуш медалига эга чиқди 0

08 авг 01:38
Янгиликлар

Спорт курашлари, Бокс/ММА, Эшкак эшиш, Париж-2024

Баҳодир финалда, юнон-рум курашчиларимизда 5-ўрин (12 кун якунлари)

Теглар :  Париж-2024
7 август куни Париж Олимпиадасининг 12-кун беллашувлари бўлиб ўтди.

Кун давомида қуйидаги спортчиларимиз баҳсларда иштирок этишди:  

Байдаркада эшкак эшиш. Екатерина Шубина (500 м, саралаш) - саралаш ва чорак финалда қатнашиб, ўз иштирокини муваффақиятсиз якунлади. 

Байдаркада эшкак эшиш. Шаҳриёр Маҳкамов (1000 м, саралаш) - саралаш ва чорак финалда қатнашиб, ўз иштирокини муваффақиятсиз якунлади. 

Юнон-рум кураши. Арам Варданян (77 кг, ўтиш баҳси ва бронза) - ўтиш баҳсида ғалаба қозонди, бронза учун баҳсда арманистонлик рақибга ютқазди. 

Юнон-рум кураши. Рустам Ассакалов (97 кг, ўтиш баҳси ва бронза) - ўтиш баҳсида ғалаба қозонди, бронза учун кубалик рақиб билан баҳсда дароҳат сабаб беллашувни охиригача етказа олмади. 

Бокс. Баҳодир Жалолов - Нелви Раман Тиафак (Германия) (+92 кг, ярим финал) - 5:0 ҳисобида ғалаба қозониб, финалга йўл олди. 



Ушбу саҳифа орқали ўзбекистонлик спортчиларнинг қайд этаётган натижаларидан хабардор бўлиб туришингиз мумкин бўлади.


САҲИФАНИ ЯНГИЛАШ


1:20. Баҳодир Жалолов германиялик рақибини 5:0 ҳисобида мағлубиятга учратиб, финалга йўл олди.  


23:30. Рустам Ассакалов бронза учун баҳсда жароҳат олиб, баҳсни охиригача давом эттира олмади. Эххх... Яна 5-ўрин.


22:43. Афсуски Арам Варданян бронза учун баҳсда арманистонлик рақибига 5:6 ҳисобида имкониятни бой берди ва мусобақани 5-ўринда якунлади.


22:30. Юнон-рум курашчиларимизнинг бронза учун баҳслари бошланмоқда.


17:35. Шаҳриёр Маҳкамов чорак финалда 1000 метр масофани босиб ўтди. Афсуски у 3:35.43 натижа билан маррага 3-бўлиб етиб келди. У ярим финалга чиқиш учун 1 ёки 2-ўринни олиши лозим эди.


16:34. Эшкак эшиш. Екатерина Шубина учун чорак финал ҳам муваффақиятсиз бўлди. У 8 нафар спортчи ичида 1:54.63 натижа билан 6-ўринни банд этди.


Бугунги кун учун янгиланган тақвим:

16:30 - Екатерина Шубина (байдаркада эшкак эшиш, чорак финал)

17:20 - Шаҳриёр Маҳкамов (байдаркада эшкак эшиш, чорак финал)

21:45 дан сўнг: Арам Варданян - Малхас Амоян (Арманистон) (юнон-рум кураши, бронза учун)

22:00 дан сўнг: Рустам Ассакалов - Габриэль Алехандро Росилло Кинделан (Куба) (юнон-рум кураши, бронза учун)

01:00: Баҳодир Жалолов - Нелви Тиафак (Германия) (бокс, ярим финал)


15:45. Юнон-рум курашчиларимизнинг кечки дастурдаги чиқиши эса 21:15 дан сўнг бошланади. 


15:00. Соат 16:30 да Екатерина Шубина, 17:10 дан сўнг эса Шаҳриёр Маҳкамов чорак финалда стартга чиқади. 


14:27. Эшкак эшиш. Шаҳриёр Маҳкамов ўз гуруҳида 3:40.25 натижа билан маррага 3-бўлиб келди ва чорак финалда қатнашадиган бўлди.


14:11. Рустам Ассакалов ўтиш баҳсида Корея Республикаси вакилини 8:2 ҳисобида мағлуб этди. Энди у кечки дастурда бронза учун курашади. Рақиб - кубалик Габриэль Алехандро Кинделан.


14:09. Арам Варданян ўтиш баҳсида жазоирлик рақибини 11:0 ҳисобида мағлубиятга учратди. Энди ҳамюртимиз кечки дастурда бронза учун баҳс олиб боради. Рақиб - арманистонлик Малха Амоян.


13:13. Екатерина Шубина ўз гуруҳида 1:58.37 натижа билан маррага охирги бўлиб келди. У тўғридан-тўғри ярим финалга чиқа олмади. Бироқ, чорак финал орқали медаль учун курашса бўлади. 


12:30. Байдаркада эшкак эшиш баҳслари бошланди. 5-чиқишда ҳамюртимиз Екатерина Шубина иштирок этади. 



Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг