150 минг доллар сари юриш: бу йўлда Нодирбекка яна Магнус Карлсен тўқнаш келиши мумкин

Ушбу мусобақада ҳамюртимиз Нодирбек Абдусатторов ҳам иштирок этаётганлиги ҳақида аввалроқ Olamsport.com сайти хабар берганди. 

30 октябрга қадар давом этадиган мусобақада ҳамюртимиз ҳозирча иккита ғалаба қайд этди ва ярим финал йўлланмаси сари имкониятларни яхшилаб олди.  

Чемпионат тафсилотларига оид маълумотлар билан ўртоқлашмоқчимиз. 

Мусобақада 8 нафар шахматчи иккита гуруҳга бўлинган ҳолда кураш олиб бормоқда. 

Гуруҳларда эса спортчилар қуйидагича бўлинган: 

А гуруҳи: 

Нодирбек Абдусатторов (Ўзбекистон) 

Уэсли Со (АҚШ)

Ян Непомняший (Россия)

Хьйёрвар Стейн Гретарссон (Исландия)

Б гуруҳи: 

Хикару Накамура (АҚШ)

Магнус Карлсен (Норвегия)

Владимир Федосеев (Россия)

Маттиас Блубаум (Германия)

Нодирбек мусобақага саралаш босқичи ғолиби сифатида етиб келган. У саралашда Вьетнам, Норвегия ва Озарбайжон вакили, финалида нидерландиялик Аниш Гирини мағлубиятга учратганини қўшимча қилишимиз лозим.

Шахматчилар битта тур доирасида иккитадан ўйин ўтказишади. Ҳозирча мусобақада иккита тур ортда қолди. Дастлабки турда Абдусатторов Ян Непомняшийни икки маротаба мағлуб этди. Иккинчи турда эса Уэсли Со билан битта дуранг ва битта ғалабага эришиб, гуруҳда пешқадамга айланиб олди. Учинчи ва тўртинчи турда (бугун) Абдусатторов мезбон Хьйёрвар Стейн Гретарссонга қарши иккита ўйин ўтказади. Сўнгра шахматчилар эртага яна биттадан ўйинда дона сурадилар (умумий ҳисобда 6 та тур).

Гуруҳда дастлабки икки ўринни эгаллаган шахматчилар ярим финалга йўл олишади. 

Ҳозирда Абдусатторов А гуруҳида биринчи ўринни эгаллаб турибди. Б гуруҳида иккинчи поғонани барчага маълум ва машҳур Магнус Карлсен банд этган. Агар вазият шу тарзда қоладиган бўлса, биз ярим финалда яна Абдусатторов - Карлсен тўқнашувини кўришимиз мумкин.

2-турдан кейинги ҳолат:

Ярим финалда эса жуфтликлар қуйидагича тўқнаш келади: 

А гуруҳи ғолиби - Б гуруҳи 2-ўрин

Б гуруҳи ғолиби - А гуруҳи 2-ўрин

Эртага 3-тур ўтказилса, 28 октябрь дам олиш куни ҳисоланади. 29 октябрь куни ярим финаллар ташкил этилади. 30 октябрь куни эса финал ва 3-ўрин учун баҳс ўтказилади. 

Мусобақада мукофот жамғармаси қуйидагича тақсимланади: 

1-ўрин: 150 000 доллар

2-ўрин: 85 000 доллар

3-ўрин: 55 000 доллар

4-ўрин: 40 000 доллар

5-ўрин: 25 000 доллар

6-ўрин: 20 000 доллар

7-ўрин: 15 000 доллар

8-ўрин: 10 000 доллар.

Азиз Тўхтамуродов тайёрлади