22 фев 08:31
Янгиликлар

Теннис

17 ёшли Мирра Андреева фаолиятида илк бор WTA 1000 финалига чиқди

БААнинг Дубай шаҳрида теннис бўйича WTA 1000 тоифасига кирувчи нуфузли турнир бўлиб ўтмоқда.

WTA рейтингида 14-ўринни эгаллаб турган Мирра Андреева 1/2 финалда дунёнинг еттинчи ракеткаси қозоғистонлик Елена Рибакинани уч сет натижасига кўра мағлуб этиб, катта шов-шув сабабчисига айланди. Икки соату 16 дақиқа давом этган баҳсда россиялик 17 ёшли иқтидор эгаси тажрибали рақибасидан 6/4, 4/6, 6/3 ҳисобларида устун келди.

Шу тариқа, Андреева фаолиятида илк WTA 1000 тоифасига кирувчи турнир финалига йўл олди. Мирра ушбу ғалабаси эвазига теннисчиларнинг ўзаро учрашувларидаги ҳисоб мувозанатини ҳам тиклаб қўйди - 1:1. Мирра 3, Елена 7 та эйс зарбасини амалга оширган. Қўшхато ва брейклар мос равишда Андреевада кўпроқ бўлди - 8 га 3 ҳамда 5 га 3.