15 июл 11:39
Янгиликлар

Бокс/ММА

Шаҳрам Ғиёсов нокаутчи рақибини биринчи раундда нокаут қилди

Рио Олимпиадаси совриндори Шаҳрам Ғиёсов АҚШнинг Лос-Анжелес шаҳридаги Florentine Gardens Hollywood аренасида рингга кўтарилди.

Ҳамюртимизнинг ҳозиргина якунига етган жангдаги рақиби мексикалик тажрибали боксчи Даниэль Эчеверрия бўлди. Жанг кутилганидан анча аввал якунланди. Шаҳрам нокаутчи рақибини биринчи раунднинг ўзида нокаут эвазига мағлубиятга учратди. Кучли зарбани ўтказиб юборган Эчеверрия хатто ўрнидан ҳам тура олмади.

Маълумот учун, мексикалик 26 ёшли боксчи бугунгиси билан қўшиб ҳисоблаганда проф боксда 25та жанг ўтказиб, уларнинг 19тасида ғалаба қозонган. Ўн еттита жангда рақибларини нокаутга учратган. Бугун у олтинчи мағлубиятини қарши олди. Шаҳрам эса 3та жангда 3та ғалаба қайд этди, шулардан иккитаси нокаут.