Осиё ўйинларининг 14-кунини бешта медаль билан якунладик

Кун якунига кўра, Ўзбекистон спорт делегацияси 1 та олтин, 2 та кумуш ва 2 та бронза медали билан якунладик.

Совриндорларимиз:

Олтин: 

Тахмина Икромова (бадиий гимнастика)

Кумуш: 

Марат Мавлонов (таэквондо)

Шерзод Поёнов (спот курашлари) 

Бронза:

Светлана Осипова (таэквондо) 

Ўзбекистон дзюдо терма жамоаси (микс дзюдо)

Ушбу саҳифа орқали ўзбекистонлик спортчилар қайд этаётган натижалар билан онлайн равишда танишиб боришингиз мумкин бўлди.

16:45. Бадиий гимнастика. Жамоавий баҳсларни 49.850 балл билан 4-ўринда якунладик 

15:55. Бадиий гимнастикачиларимиз тўп билан машқларни 4-ўринда якунлашди. Олдинда иккинчи машқ ҳам бор. 

15:50. Эркин кураш. Шерзод Поёнов финалда эронлик рақибга қарши курашди ва афсуски имкониятни бой берди. КУМУШ!

14:22. Дзюдо. Ўзбекистон терма жамоаси аралаш жамоавий баҳсларда бронза медали учун Жанубий Кореяга қарши курашди ва 4:2 ҳисобида ғалаба қозонди! БРОНЗА!

13:37. КУМУШ! Таэквондочимиз Марат Мавлонов финалда эронлик рақибига қарши баҳс олиб борди ва имкониятни бой берди. Спортчимизда КУМУШ МЕДАЛЬ!

13:12. Футбол. Бронза учун баҳсда Хитойга пенальтилар сериясида мағлуб бўлдик. Асосий вақт 2:2 ҳисобида якунланди. Пенальтилар сериясида эса Хитой 4:3 ҳисобида ғалаба қозонди. 

12:25. ФИНАЛ! Марат Мавлонов ажойиб жанг эвазига Жанубий Корея вакилини мағлубиятга учратди! У олтин медаль учун энди эронлик рақибга қарши баҳс олиб боради!

12:18. ОЛТИННН!!! Бадиий гимнастикачимиз Тахмина Икромова энг юқори балл тўплаб, биринчи ўринни қўлга киритди! Ўзбекистонда 21-олтин!

11:48. Таэквондо. Светлана (Осипова) Саидова ярим финалда хитойлик рақибасига 0:2 ҳисобида ютқазди. БРОНЗА! 

10:35. Бадиий гимнастикачимиз Тахмина Икромова иккита уринишдан сўнг ҳозирча биринчи ўринда кетмоқда. Яна иккита уриниш қолди. 

10:28. Дзюдо. Жамоавий баҳсларда бронза учун Жанубий Кореяга қарши курашамиз. Корейслар ярим финалда Қозоғистонга имкониятни бой беришди. Баҳс Тошкент вақти билан тахминан 13:20 дан кейин бошланади.

10:10. Волейбол. Эркаклар терма жамоамиз Гонконгни 3:0 ҳисобида мағлуб этишди. 16 та терма жамоа ичида 15-ўрин. 

10:00. Чим устида хоккей. Эркаклар терма жамоамиз Шри-Ланкага 2:4 ҳисобида мағлуб бўлди. Мусобақани 12 та терма жамоа ичида 10-ўринда якунлашди. 

9:55. Эркин кураш. Разамбек Жамалов бронза учун ўтиш баҳсида ҳиндистонлик рақибига ютқазди.

9:50. Камондан отиш. Амирхон Содиқов чорак финалда ҳиндистонлик рақибига 2:6 ҳисобида ютқазди.

9:40. Дзюдо. Жамоавий баҳсларда илк босқичда Японияга 1:4 ҳисобида ютқаздик. Бронза учун ўтиш баҳсида Хитой Тайпейи 4:0 ҳисобида мағлуб этилди. Энди бронза учун баҳс олиб борамиз.

9:30. Таэквондо. Светлана Саидова (Осипова) Гонконг ва Вьетнам вакилаларини мағлубиятга учратиб, ярим финалга чиқди. 

9:15. Эркин кураш. Шерзод Поёнов Баҳрайн, Мўғулистон ва Ҳиндистон вакилларини мағлубиятга учратиб, финалга йўл олди. Энди у бугун финала эронлик рақибга қарши курашади. 

9:00. Аёллар кураши. Соҳибжамол Есбосинова ҳиндистонлик рақибасига ютқазди.

8:55. Аёллар кураши. Лайлохон Собирова аввалига индонезиялик рақибасини мағлуб этди, кейин эса қозоғистонлик спортчига ютқазди.

8:15. Таэквондо. Марат Мавлонов Хитой Тайпейи вакилини мағлубиятга учратди ва ярим финалга йўл олди. 

8:00. Таэквондо. Нажмиддин Қосимхожиев индонезиялик рақибини мағлуб этди, иккинчи жангда эса Таиланд вакилига ютқазди. 

6:55. Эркин кураш. Олимпиада чемпиони Разамбек Жамоалов илк жангида эронлик рақибга мағлуб бўлди. 

6:45. Эркин кураш. Ғуломжон Абдуллаев илк жангида япониялик рақибга имкониятни бой берди. 

6:00. Таэквондо. Мадина Мирабзалова таиландлик рақибасига ютқазди.

Бугун мусобақада иштирок этадиган ўзбекистонлик спортчилар рўйхати: 

(Тошкент вақти билан)

Чим устида хоккей, эркаклар, 9—12—ўринлар учун — 5:00 — Ўзбекистон — Шри Ланка

Таэквондо, аёллар (57 кг), нимчорак финал — 5:00 — Мадина Мирабзалова — Наткамон Вассана (Таиланд)

Регби, эркаклар — 5:25 — Ўзбекистон — Таиланд

От спорти, конкур — 5:30 — Баҳромжон Газиев  

От спорти, конкур — 5:30 — Бекзод Қурбонов

Таэквондо, эркаклар (68 кг), нимчорак финал — 5:35 — Нажмиддин Қосимхожиев — Жафиф Кавка Путравитама (Индонезия)

Таэквондо, аёллар (+67 кг), нимчорак финал — 6:00 — Светлана Саидова (Осипова) — Хо Ян Чёнг (Гонгконг)

Волейбол, эркаклар, 9—16—ўринлар учун — 6:00 — Ўзбекистон — Гонгконг

Эркин кураш (57 кг), саралаш — 6:35 — Ғуломжон Абдуллаев — Ямато Огава (Япония)

Эркин кураш (74 кг), нимчорак финал — 6:45 — Разамбек Жамалов — Йонес Эмомичогхай (Эрон)

Эркин кураш (97 кг), нимчорак финал — 7:00 — Шерзод Поёнов — Магомед Шарипов (Бахрайн)

Аёллар кураши (57 кг), нимчорак финал — 7:20 — Лайлохон Собирова — Мутохарох (Индонезия)

Таэквондо, эркаклар (+80 кг), чорак финал — 7:50 — Марат Мавлонов

Дзюдо, аралаш жамоавий дастур, чорак финал — 8:00 дан сўнг — Ўзбекистон — Япония

Аёллар кураши (53 кг), чорак финал — 8:40 — Соҳибжамол Эсбосинова

Камондан отиш, эркаклар — 9:00 — Амирхон Содиқов — Дираж Боммадевара (Ҳиндистон)

Бадиий гимнастика, яккалик кўпкураши — 9:00 — Тахмина Икромова

Футбол, эркаклар, 3—ўрин учун — 11:00 — Ўзбекистон — Хитой

Бадиий гимнастика, жамоавий кўпкураш — 15:00 — Ўзбекистон (Диана Ҳакимова, София Усова, Ясина Жўраева, Милана Сафина, Иродахон Содиқова)