02 дек 07:41
Янгиликлар

Шахмат

18 ёшли француз шахматчиси Магнус Карлсеннинг рекордини янгилади

18 ёшли франциялик шахматчи Алиреза Фиружа FIDE рейтингида 2800 очко жамғарган тарихдаги энг ёш шахматчига айланди.

Федерация сайтида эълон қилинган рейтингнинг янгиланган вариантида Фиружа иккинчи ўринни эгаллаб турибди, унинг кўрсаткичи 2804 балл.

Фиружа 18 ёшу 5 ой 13 кунлигида 2800 очколи довонни босиб ўтди. Аввалги рекорд норвегиялик Магнус Карлсенга тегишли эди. 2009 йилда Карлсен 18 ёш 336 кунлигида худди шундай муваффақиятга эришган эди.

Эслатиб ўтамиз, Магнус Карлсен айни дамда россиялик Ян Непомнящий билан жаҳон чемпионати баҳсида ўзига тегишли бўлган шахмат тожини ҳимоя қилмоқда. Дастлабки тўртта ўйиндан сўнг дуранг қайд этилиб турибди.