Алиреза Фирузжа: "Синдаров билан ўйин унчалик қониқарли бўлмади"

У ўзининг ҳолати ва мусобақани тарк этмаслик сабаблари ҳақида шундай деди:

"Менга дам олиш ҳам керак. Хайриятки, шахматни ҳатто ётиб ҳам ўйнаш мумкин. Олдинда ҳали бешта яхши партия бор. Шунинг учун ўйнашда давом этмоқчиман".

Фирузжа шифокорлар рухсати ва ташкилотчиларнинг ёрдами ҳақида ҳам тўхталди:

"Шифокорга борганимизда, у  агар шароитлар мос келса, ўйнашим мумкинлигини айтди. Кейинги савол ташкилотчилар буни ташкил қила олиши ва рақиб ўйинчилар бунга рози бўлиши билан боғлиқ эди. Ҳаммаси ижобий ҳал бўлди. Шундай вазиятда ўйинларни бой бериш жуда ачинарли бўларди".

Шунингдек, у Синдаровга қарши ўйини ҳақида ҳам ўз фикрини билдирди:

"Синдаров билан ўйин унчалик қониқарли бўлмади, лекин охирида, позициям анча ёмон бўлишига қарамай, эндшпилда яхшироқ ўйнашга муваффақ бўлдим. Аввалига яхши ўйнамаган бўлсам-да, эндшпиль қандай ўтганидан мамнунман".

Эслатиб ўтамиз, 5-тур доирасидаги Жавоҳир Синдаров - Алиреза Фирузджа партиясида дуранг натижа қайд этилганди. Кеча мусобақада дам олиш куни эди, бугун 6-тур партиялари ўйналади.