"20 йил ичида бокс учун ҳеч нарса қилмадинг" — Уайт Хирнни кескин танқид қилди

Британиялик промоутер Сауль Альварес ва Теренс Кроуфорд ўртасидаги жангни ўтказгани учун UFC раҳбарига эмас, балки Турки Ал аш-Шайхга миннатдорлик билдириш кераклигини айтган эди.

"Бошқа томондан, Эддига ўхшаган одамнинг бундай гапларни гапира бошлаганини эшитганингизда, бу менга аллақачон ўз фаолиятини тугатган сиёсатчини эслатади... Охирги 20 йилда қаерда эдинг? Сен боксни ривожлантириш учун ҳеч нарса қилмадинг, энди мен аралашиб, бу катта жангларни ўтказмоқчиман. Энди эса сен шунчаки гапириб ўтирасанми?

Бу йигитлар ҳеч қачон кенг миқёсда фикрлашмаган, шунчаки улар ўз бизнесларини қандайдир нотўғри бошқараётганларини кўришмайди ва кутилмаганда Эдди боксни ўзгартирмоқчи, фалон нарсани тузатмоқчи ва мен билан рақобатлашмоқчи. Бу кулгили, мен унга ўхшаганлар ҳақида ўйламайман ҳам", - деди Уайт YouTube’даги 3 Knockdown Rule каналида.