04 ноя 11:02
Янгиликлар

Теннис

20 ёшли Коко Гофф WTA Якуний турнирини ғалаба билан бошлади

Саудия Арабистони пойтахти Ар-Риёд шаҳрида теннис бўйича WTA Якуний турнири давом этмоқда.

Дунёнинг учинчи ракеткаси Коко Гофф мусобақадаги иштирокини ғалаба билан бошлаб олди. Америкалик 20 ёшли иқтидор эгаси гуруҳнинг илк учрашувида WTA рейтингида олтинчи ўринни эгаллаб турган ватандоши Жессика Пегулани ортиқча қийинчиликсиз мағлубиятга учратди - 6/3, 6/2.

Коко теннисчиларнинг ўзаро учрашувларидаги ҳисобни қисқартиришга муваффақ бўлди - 2:4. Етмиш беш дақиқалик баҳсда Гофф 2 та эйс, 5 та брейк қайд этиб, 2 та қўшхатога йўл қўйди.