10 ноя 11:32
Янгиликлар
20 ёшли Коко Гофф йилнинг Якуний WTA турнири чемпиони!
Мусобақа бош соврини дунёнинг учинчи ракеткаси бўлиб турган Коко Гоффга насиб этди. Америкалик 20 ёшли иқтидор эгаси ҳал қилувчи финал учрашувида рейтингнинг еттинчи поғонасидан жой олган хитойлик Чжэн Циньвэнни уч сет натижасига кўра мағлубиятга учратди - 3/6, 6/4, 7/6(2).
Гофф тай-брекда чемпионлик масаласини ҳал қилди. У иродали ғалабага эришди. Теннисчиларнинг ўзаро иккинчи учрашувида ҳам Коконинг қўли баланд келди. Уч соату етти дақиқа давом этган баҳсда Гофф 5, Чжэн 4 та эйс зарбасини амалга оширди. Иккала теннисчи ҳам 5 тадан брейкка эришди. Қўшхатолар чемпионда кўпроқ бўлди - 4 га 1.
Коко Гофф фаолиятида илк бор йилнинг Якуний WTA турнирида чемпион бўлди. Ар-Риёддаги муваффақиятли иштирок унга 2,5 миллион АҚШ доллари миқдоридаги мукофот пулини келтирди.
Фикрлар