23 фев 13:06
Янгиликлар

Бокс/ММА

Шоҳжаҳон Эргашев афсонавий мураббий қўл остида машғулотларни бошлайди

Профессионал боксчимиз Шоҳжаҳон Эргашевнинг мураббийлар штабида ўзгариш бўлади.

Нокаутчи боксчимиз шу кунгача машғулотларини машҳур Kronke залида ўтказаётганди. Шоҳжаҳон бу зал ва унда ишлаётган мураббийлари билан хайрлашди. Энди чарм қўлқоп устамиз афсонавий мураббий Фредди Роуч қўл остида машғулот ўтказади. Роуч филиппинлик Мэнни Пакьяонинг 20 йиллик мураббийи ҳисобланади.

"Тез кунда Фредди Роуч билан ҳамкорликни бошлаймиз. Бу масала 80 фоизга ҳал бўлган. Шу кунгача биргаликда ишлаб келган ва рингда ҳам ёнимда бўлган мураббий Рик Филипс билан ҳамкорлигимиз давом этади", - деди сайтимизга берган интервьюсида Эргашев.