29 апр 11:37
Янгиликлар

Бокс/ММА

36 ёшли Хуршид Тожибоев Германияда рингга кўтарилади + ПОСТЕР

Ҳаваскор боксда жаҳон чемпиони, икки карра Олимпия ўйинлари иштирокчиси Хуршид Тожибоев яна рингга қайтмоқда.

Ҳамюртимиз 30 май куни Германиянинг Гамбург шаҳридаги Active City Arena мажмуасида ташкил этиладиган проф бокс оқшомида қатнашади.

Тожибоевга мусобақа доирасида ким рақиблик қилиши ҳозирча номаълум.

Маълумот учун, Хуршид Тожибоев 36 ёшда. У проф боксда ҳозирга қадар 8 та жанг ўтказиб, барчасида ғалаба қозонган. Юртдошимиз охирги жангини 2025 йилнинг май ойида Испанияда эквадорлик Жефферсон Варгасга қарши ўтказиб, ғалабага эришган.