41 ёшли Пепе Саудия Арабистонида ўйнаши мумкин

Португалия терма жамоаси марказий ҳимоячиси Пепе фаолиятини қаерда давом эттиришини билмаяпти. Яқинда 41 ёшли фахрий ўз терма жамоаси таркибида Евро-2024дан чиқиб кетди – португалияликлар Францияга пенальтилар сериясида мағлуб бўлишди.

Пепе июль ойидан буён эркин агент мақомига эга, чунки унинг "Порту" билан шартномаси якунига етди. "Transfer News Live" хабарига кўра, марказий ҳимоячи янги мавсумда қаерда ўйнашини ҳали ҳал қилмаган. 

Хабарингиз бор, Саудия Арабистонида футболчига даъвогарлар бор, яқин орада музокаралар олиб борилади. Пепе Португалия терма жамоаси сафида 141 та ўйин ўтказган. 2025 йилнинг февраль ойида футболчи ўзининг 42 ёшини нишонлайди.