22 дек 08:46
Янгиликлар

Гимнастика, Бошқалар, Болалар спорти

42 ёшли Чусовитина Москвадаги нуфузли турнир ғолибаси бўлди+ФОТО

Россия Федерацияси пойтахти Москва шаҳрида спорт гимнастикаси бўйича нуфузли халқаро турнир бўлиб ўтди.

Олимпиада чемпиони Михаил Воронин Кубоги учун ўтказилган халқаро мусобақа бу йил ўз тарихида йигирма тўртинчи маротаба ташкил этилди. “Олимпийский” спорт мажмуаси мезбонлик қилган турнирда 28 давлат вакиллари иштирок этишди.

Улар орасида спортимиз фахри, еттита Олимпиадада иштирок этган дунёдаги ягона спортчи Оксана Чусовитина ҳам юртимиз спорт шарафини муносиб тарзда ҳимоя қилди. Ҳамюртимиз ўзининг севимли таяниб сакраш баҳсларида энг яхши натижа билан олтин медалга сазовор бўлди.