22 апр 10:31
Янгиликлар

Теннис

45 ёшли Винус Уильямс кетма-кет 10-мағлубиятини қабул қилиб олди

Испания пойтахти Мадрид шаҳрида WTA 1000 тоифасига кирувчи турнир давом этмоқда.

Дунёнинг 479-ракеткаси бўлиб турган Винус Уильямс сўнгги пайтларда турнир ташкилотчилари томонидан берилаётган имтиёзли йўлланмалар асосида асосий даврада тўғридан-тўғри қатнашиб келмоқда. Аммо барча турнирлар стартидаёқ америкалик 45 ёшли теннисчи мағлубиятга учрамоқда.

Жумладан, кеча у Мадриддаги турнирнинг биринчи босқичида WTA рейтингида 140-поғонада бораётган испаниялик Кейтлин Кеведога имкониятни бой бериб қўйди - 2/6, 4/6. Бу теннисчиларнинг ўзаро ўтказган илк учрашуви бўлди. Бир юз бир дақиқа давом этган баҳсда иккала теннисчи ҳам эйс зарбасини амалга ошира олмади. Уильямс кетма-кет 10-мағлубиятини қабул қилиб олди. У сўнгги бор 2019 йилги Рим турнирида зафар қучганди.