7 соат 45 дақиқа ва 136 юриш. Карлсен ва Непомнящий ўртасидаги ўйин тарихга кирди

Норвегиялик Магнус Карлсен ва россиялик Ян Непомнящий ўртасидаги 6-партия рекорд ўрнатилган ўйин сифатида тарихга кирадиган бўлди. Ушбу баҳс жаҳон чемпионати учрашувларидаги энг узоқ давом этган партия сифатида 43 йил аввалги рекордни янгилади.

Олтинчи партияда шахматчилар 136 та юришни амалга оширишди. Учрашув 7 соату 45 дақиқа давом этди. Ўйинда оқ доналарда ҳаракатланган Карлсен ғалаба қозонди. 6-партиядан сўнг умумий ҳисоб 3,5: 2,5 кўринишига келди, Карлсен фойдасига.

Бунгача рекорд 1978 йилдаги Анатолий Карпов ва Виктор Корчной ўртасидаги ўйинда қайд этилган эди - 124 юриш.