Мэйвезер ва МакГрегор иштирокидаги иккинчи матбуот анжуманида нималар бўлди?

Кеча биринчи матбуот анжумани Лос-Анжелесда бўлиб ўтганди.

Олдинда яна иккита: Нью-Йорк ва Лондонда бўлиб ўтадиган мана шундай шоу кечаси кутиб турибди.

Иккала спортчи ҳам анжуман давомида шоу ташкил қилиб беришди. Ирландиялик спортчи эса ҳаттоки мухлислари орқали Мэйвезерни ҳақорат қилишга ҳам муваффақ бўлди.

Бундан ташқари МакГрегор америкалик боксчини 12 ёшли болага тенглаштириб, уни устидан кулди: "Мэйвезер, 40 ёшдасан. Ёшингга мос кийиниб юрсангчи", - дейди у.

Ўз ўрнида, Флойд ҳам бўш келгани йўқ: "Агар сен ғалабангга шунчалик ишонаётган бўлсанг, ўз гонорарларингни ўртага қўй".

Кейин эса Мэйвезер МакГрегорга Ирландия байроғини берди.

Сўнгра, Лос-Анжелесда бўлганидек "кўз ўриштириш" маросими бўлиб ўтди.

Эслатиб ўтамиз, ушбу жанг 26 август куни Лас-Вегасда бўлиб ўтади.

Ҳар иккала спортчи ҳам ушбу иштироки учун 100 миллион доллардан гонорар олиши белгилаб қўйилга.