Велоспорт бўйича Ўзбекистон терма жамоаси аъзоси жиддий автофалокатга учради

Маълум бўлишича, асосий фаолиятини велотрек йўналишида олиб борувчи Владислав Жарков яқиндагина жиддий автофалокатга учраган ва операцияни бошдан кечирган.

Ҳозирда спортчининг аҳволи барқарор экани, бироқ уни олдинда узоқ тикланиш жараёни кутаётгани айтилган.

Хабар қилинишича, Владислав Жарковга ЙТҲ оқибатида умуртқа поғонаси синиши, орқа мия шикастланиши, қовурға синиши ва ўпка лат ейиши каби ташхислар қўйилган.

Ҳозирда спортчи шифохонада бўлиб турибди.