Абдураимова Юксидаги иштирокини ғалаба билан бошлади

Мусобақанинг мукофот жамғармаси 25 минг АҚШ долларини ташкил қилади. Ҳамюртимиз ушбу турнирнинг иккинчи рақамли теннисчиси сифатида қайд этилган.

Ҳозиргина якунига етган ва 1 соату 44 дақиқа давом этган яккаликнинг илк давра учрашувида Нигина хитойлик рақибаси Йиксуан Лини 6:3, 7:6(8) ҳисобида таслим этди. Энди Абдураимова иккинчи босқичда яна бир Чин юрти вакиласи Тингтинг Пейга қарши кортга чиқади.