ACA 108 турнири бонус соҳиблари маълум, бири «Башкир», иккинчиси «Хишник» бўлди

Шоу ташкилотчилари ошқомнинг энг яхши жанги ва жангчиларини аниқлади. АCA 108 турнирининг марказий жанги Венер «Башкир» Галиев ҳамда Амирхан «Хишник» Акаев ўртасида ўтказилиб, айнан шу тўқнашув кечанинг энг яхши жанги деб топилди. Ҳар икки жангчига кафолатланган гонорардан ташқари қўшимча 10 минг доллар бонус пули ҳам берилди. 

Оқшомнинг энг яхши нокаути Александр Бутенкога насиб қилди. У ўз иштирокидаги жангда Расул Шовхаловни чиройли тарзда нокаутга учратди. Яна бир бонус Адам Алиевдан устун келган Байзет Хатхохга насиб этди. Ҳар икки жангчи ҳам 10 минг доллардан бонусга эга бўлишди. 

Шунингдек, муддатидан аввал ғалаба қозонганлари учун Алихан Вахаев ва Артур Астахов 5000 доллардан бонусни қўлга киритишди. Улар мос равишда Денис Смолдарев ва Магомед Шейховни биринчи ҳамда иккинчи раундларда техник нокаутга учратишди.