13 мар 16:41
Янгиликлар

Бокс/ММА

ACA 119 турнирининг марказий жангида нокаут қайд этилди

Россиянинг Краснодар шаҳрида аралаш яккакураш бўйича навбатдаги ММА турнири бўлиб ўтди.

АСА 119 турнирининг марказий жанги ўрта вазн тоифасида россиялик Артём Фролов ҳамда бразилиялик Вендрес Карлос да Сильва ўртасида ўтказилди. Жанг иккинчи раундда якунланди. Рақибининг чап қўлда берган кучли зарбасини ўтказиб юборган Сильва Фроловга қаршилик ҳам кўрсата олмай қолди. Бу вазиятда рефери жангни тўхтатишга мажбур бўлди.

Таъкидлаш жоиз, Артём ўтган йилнинг декабрь ойида Магомедрасул Гасановга ютқазиб қўйганди. Кечаги ғалабасидан сўнг Фролов дарҳол промоушен раҳбарларидан чемпионлик жанги беришларини сўради. АСА промоушенининг навбатдаги турнири 26 март куни Санкт-Петербург шаҳрида бўлиб ўтади. Бўлажак оқшомнинг марказий жангида Фелипе Фроес ва Магомедрасул Хасбулаев октагонда ўзаро тўқнаш келишади.