Афсонавий жиу-житсу жангчиси ўзи туғилиб ўсган шаҳрида ўлдирилди

Бу ҳақда Globo Esporte нашри хабар бермоқда.

Қайд этилишича, саккиз карра жаҳон чемпиони ва офицер ўртасида мунозара келиб чиққан. Полиция ҳодими Лонинг столидаги шиша билан унга зарба бермоқчи бўлган, аммо Леандро уни йиқитишга улгурган. Сўнгра спортчининг дўстлари иккала томонни ажратишга уринаётган бир паллада полиция ҳодими ўз қуроли билан 33 ёшли Леандро Лонинг бош қисмига ўқ узади. Шифоҳонага етказилганига қарамасдан Леандро вафот этган. Офицерни қидириш ишлари олиб борилмоқда.

Бразилия жиу-житсу федерацияси ушбу ҳодисага қуйидагича муносабат билдирди:

"Биз бутун дунё бўйлаб кўпгина одамларнинг кимано кийишига ёрдам берган, уларни илҳомлантирган инсонга ўз ҳурматимизни билдирамиз".