08 ноя 08:03
Янгиликлар

Олимпия ўйинлари, Лос-Анжелес-2028

Қозоғистон Олимпиада-2028 учун илк лицензиясини қўлга киритди

Бу атлет Токио-2020 ва Париж-2024 Олимпия ўйинларида ҳам қатнашган.

Гап қозоғистонлик Асем Оринбай ҳақида кетмоқда. Оринбай стенддан отиш бўйича Лос-Анжелес-2028 Олимпия ўйинлари лицензиясини қўлга киритди.

33 ёшли спортчи Қатарда ўтаётган лицензион Жаҳон чемпионатида кучли бешликка кириб, Қозоғистон делегациясига Олимпиада-2028 учун илк йўлланмани тақдим этди.

Хабар берганимиздек, Оринбай аввал Токио-2020 ва Париж-2024 Олимпия ўйинларида ҳам қатнашган. Унинг Олимпиадалардаги энг яхши натижаси — 12-ўрин.

Спортчи 2022 йилги Жаҳон чемпионати бронза медали соҳиби, 2022 йилги Осиё ўйинларининг икки карра чемпиони ва 2022 йилги Осиё чемпиони ҳисобланади. 2026 йилда эса Осиё ўйинларида бронза медалини қўлга киритган.

Аввалроқ, вакилларимиз ҳам ушбу Жаҳон чемпионатида совриндорга айланишган эди.