Афсонавий Жорж Сен-Пьер навбатдаги рақибини билиб олди

Канадалик афсонавий спортчи навбатдаги жангини грэпплинг бўйича ўтказади. У 14 декабрь куни UFC Fight Pass Invitational 6 грэпплинг турнири доирасида бразилиялик Демиан Майяга қарши баҳс олиб боради. Бу ҳақда Майянинг ўзи ижтимоий тармоқдаги саҳифалари орқали хабар берди.

"Жорж, сен мен ҳурмат қилган буюк жангчиларнинг бирисан. Мен ўйиндаман ва жангни сабрсизлик билан кутишни бошладим", — дея хабар қолдирган Майя.

Маълумот учун, 42 ёшли Сен-Пьер аралаш яккакурашдаги фаолияти давомида 28 та жанг ўтказиб, уларнинг 26 тасида ғалаба (8 та нокаут) қозонган. Ҳисобида иккита мағлубият бор. 45 ёшли Майя эса ММАда 39 та жанг ўтказиб, 28 ғалаба (3 та нокаут) ва 11 мағлубият қайд этган.