08 сен 12:59
Янгиликлар

Теннис

Алекс Де Минаур US Open 1/4 финалида

Хабар берганимиздек, АҚШнинг Нью-Йорк шаҳрида теннис бўйича "Катта Дубулға" туркумига кирувчи US Open турнири давом этмоқда.

Дунёнинг 28-ракеткаси Алекс Де Минаур мусобақанинг 1/8 финалида ғалабага эришди. Австралиялик 21 ёшли теннисчи рейтингнинг 94-поғонасидан жой олган, нимчорак финалга етиб келганлар орасида энг ёши каттаси (30 ёш), канадалик Вашек Поспишилни мағлуб этди - 7/6(6), 6/3, 6/2.

Икки соату 17 дақиқа давом этган баҳсда Алекс 2 та, Поспишил эса 9 та эйс зарбасини амалга оширди. Австралиялик теннисчи ўзаро учрашувлардаги ҳисобни йириклаштирди - 3:0. Энди у ярим финал чиптаси учун австриялик Доминик Тимга қарши кортга чиқади.