09 фев 13:05
Янгиликлар

Теннис

Аллақачон фаолиятини тугатган Истоминнинг қайтиши ҳам Нигерия билан ўйинда ёрдам бермади

Кеча Нигериянинг Лагос оролида теннис бўйича эркаклар ўртасидаги жамоавий "Дэвис Кубоги" мусобақаси доирасида Нигерия ва Ўзбекистон терма жамоалари ўртасидаги ўйинлар серияси якунланди.

Баҳсда Нигерия терма жамоаси 3:1 ҳисобида зафар қучди ва кейинги босқичга йўл олди.

Кечаги беллашувлар доирасида Майкл Эммануэль ва Абуа Канисе жуфтлиги Ҳумоюн Султонов ҳамда жамоамиз сардори, фаолиятини якунлаб улгурган Денис Истомин жуфтлигини 7/6, 6/4 ҳисобида енгди. Бу ҳолатда ўйиндаги ҳисоб 2:1 кўринишида эди.

Шундан сўнг, ёш теннисчимиз Илья Игнатов Даниэль Аделейе билан тўқнаш келди. Бу баҳсда африкалик ракетка устаси 6/3, 6/4 ҳисобида ўз ғалабасини нишонлади. Бу орқали Нигерия "Дэвис кубоги"нинг кейинги босқичи масаласини ҳал қилди.

Маълумот ўрнида, Нигерия терма жамоасининг бирорта теннисчиси дунё рейтингига кирмаган эди.