Амалдаги жаҳон чемпиони мағлубиятга учради

Соврин жамғармаси 300 000 долларни ташкил қилувчи мусобақада дунёнинг энг кучли гроссмейстерлари дона суряпти. Кеча ушбу мусобақада 8-партия баҳслари ўйналди.

Амалдаги жаҳон чемпиони норвегиялик Магнус Карлсен бу турда оқ доналарда ўйнашига қарамай, мусобақа пешқадами россиялик Ян Непомняшийга имкониятни бой бериб қўйди. Непомняший ўтган турда собиқ жаҳон чемпиони ҳиндистонлик Виши Анандни ҳам мағлуб этганди.

8-тур натижалари: Карлсен – Непомняший 0-1, Накамура – Каруана, Вашье-Лаграв – Ананд, Адамс – Аронян, Со – Карякин партияларида дуранг қайд этилди.

8-турдан кейинги вазият: 1. Непомняший – 5,5; 2. Каруана – 5; 3. Вашье-Лаграв – 4,5; 4-7. Аронян, Накамура, Карлсен, Со – 4; 8-10. Ананд, Карякин, Адамс – 3.

9-тур жуфтликлари: Непомняший – Вашье-Лаграв, Каруана – Адамс, Аронян – Карлсен, Ананд – Со, Карякин – Накамура.