Амалдаги жаҳон чемпионида дуранг, у аутсайдерлар қаторида

Дунёнинг энг кучли гроссмейстерлари жам бўлган ушбу мусобақада 6-тур партиялари ўйналди. Амалдаги жаҳон чемпиони норвегиялик Магнус Карлсен америкалик Хикару Накамурага қарши қора доналарда ўйнаб, дурангга эришди.

Собиқ жаҳон чемпиони ҳиндистонлик Вишванатан Ананд эса россиялик Сергей Карякин билан муросага келди. Уэсли Со (АҚШ) – Левон Аронян (Арманистон), Максим Вашье-Лаграв (Франция) – Фабиано Каруана (АҚШ) партияларида ҳам ғолиб аниқланмади.

Лондондаги турнир 11 декабрь куни якунланади. Олтинчи турдан сўнг турнир жадвалида америкалик Фабиано Каруана 4 очко билан пешқадамлик қиляпти. Россиялик Ян Непомнящий 3,5 очко билан иккинчи ўринни эгаллаб турибди. Аронян, Вашье-Лаграв, Карлсен, Со ва Накамурада 3, Карякин, Ананд ва Адамсда 2,5тадан очко бор.