Аманда Нуньес нега фаолиятини якунламасликка қарор қилганини тушунтирди

"Агар фаолиятимни якунлайдиган бўлсам, чемпионлик камаримни Жулианна Пеньяга ташлаб кетар эканман. Бу ҳеч қачон амалга ошмайди. Камарни бошқа кимгадир қолдирарман, лекин Жулианнага эмас. Мен исталган вақтда уни мағлуб эта олишимни биламан. Бир мартта хатога йўл қўйдим, энди бу бошқа такрорланмайди", — дея Нуньеснинг сўзларини келтиради MMA Fighting.

Эслатиб ўтамиз, Нуньес ва Пенья икки бор тўқнаш келган. UFC 277 турнирида Аманда очколар ҳисобига кўра ғалаба қозониб, камарини қайтариб олганди. Пенья эса сабмишен эвазига муддатидан аввал зафар қучган эди.