Англия терма жамоасининг собиқ футболчисини ҳушсиз ҳолда топишди

Бу ҳақда "Mirror Football" нашри хабар берди.

"Тоттенхэм" ва "Ньюкасл"нинг 58 ёшли собиқ ярим ҳимоячиси Англиянинг Пул шаҳридаги уйида ҳушсиз ҳолда топилди. Футболчини сўнгги пайтларда унга уй юмушларида ёрдам бериб келаётган эски дўсти Стив Фостер шу ҳолатда кўрган ва дарҳол шифокорларни чақирган.

Манбага кўра, Гаскойн реанимацияга ётқизилган, бироқ ҳозир унинг аҳволи барқарор ва тузалиб бормоқда. Тахминларга кўра, собиқ футболчи бир неча кун касалхонада қолиб, шифокорлар назоратида бўлади.

Гаскойн – Англия футболи Шон-шараф зали аъзоси. У 1990 йилги Жаҳон чемпионати ва 1996 йилги Европа чемпионатининг рамзий терма жамоаларига киритилган. Икки карра Шотландия чемпиони, Англия Кубоги ва Шотландия Кубоги совриндори саналади.