28 июл 08:59
Янгиликлар

Бокс/ММА

Анкалаев танқидларга муносабат билдирди: "Жангнинг зерикарли ўтиши менга боғлиқ эмасди"

Россиялик собиқ UFC чемпиони Магомед Анкалаев Абу-Дабида ўтган UFC Fight Night 282 турнирининг марказий жанги бўлган Богдан Гусковга қарши баҳс ҳақидаги танқидларга изоҳ берди.

Жанг Анкалаевнинг бешинчи раунддаги техник нокаутли ғалабаси билан якунласа-да, томошабинлар норозилигига сабаб бўлганди.

"Жангнинг зерикарли ўтиши менга боғлиқ эмасди. Мен олдинга интилдим, жанг қилишни хоҳладим, аммо рақиб иккинчи рақам остида ҳаракат қилиб, доимий равишда қочишни бошлади. Кейин мен курашга ўтиб, жангни якунлашга қарор қилдим", — деди Анкалаев "Red Corner MMA" каналининг Х ижтимоий тармоғидаги саҳифасида эълон қилинган видеода.