12 дек 18:05
Янгиликлар

Футбол

АПЛнинг ноябрдаги энг яхши футболчиси маълум қилинди

Англия Премьер-лигаси ноябрь ойида "Брентфорд"нинг 24 ёшли бразилиялик ҳужумчиси Игор Тиагони ойнинг энг яхши ўйинчиси деб топди.

Ноябрь ойида Тиаго АПЛнинг 4 ўйинида майдонга тушиб, 5 та гол урди. Бразилиялик футболчи "Ньюкасл" (3:1) ва "Бёрнли" (3:1)га қарши ўйинларда икки марта гол урди ва "Брайтон"га (1-2) қарши ўйинда ҳам тўп киритди.

Тиаго 2024 йилдан бери "Брентфорд" сафида ўйнаб келмоқда. Ҳужумчи жорий мавсум клуб сафида 16 та ўйинда қатнашиб, рақиблар дарвозасини 12 марта ишғол қилди.